Հոկտեմբերի 9-ին Կենտրոնական բանկում տեղի ունեցավ Inclusive Insurance Innovation Lab Ecosystem Event միջոցառումը, որի ընթացքում GIZ-ի հետ համագործակցող Access to Insurance Initiative-ի կողմից կազմակերպված Ներառական ապահովագրության նորարարական լաբորատորիայի Հայաստանի թիմը ներկայացրեց նախագծի շրջանակներում մշակված ArmAgro հարթակի նախատիպը:
Հանդիպմանը հրավիրված էին նաև ՔԱՐԴ ԱգրոԿրեդիտ ՈՒՎԿ ՓԲԸ գործադիր տնօրեն Մխիթար Ազատյանը ինչպես նաև արտաքին կապերի և միջոցների ներգրավման պատասխանատու Արմեն Վարդանյանը:
Հարթակն այցելուներին հնարավորություն կտա գյուղատնտեսության ոլորտում նորարարական, բարձրարդյունավետ, կլիմայախելամիտ լուծումների վերաբերյալ մատչելի տեղեկատվություն գտնել, ծանոթանալ ապահովագրության առավելություններին և կապ հաստատել ապահովագրական ընկերությունների հետ՝ գյուղատնտեսության ապահովագրության պոլիսների առաջարկներ ստանալու համար։
Միջոցառմանը ողջույնի խոսքով հանդես եկան ՀՀ կենտրոնական բանկի նախագահի տեղակալ Հովհաննես Խաչատրյանը, ՀՀ Էկոնոմիկայի նախարարի տեղակալ Արման Խոջոյանը, GIZ-ի հայաստանյան գրասենյակից Լետիսիա Կառնևալին, Access to Insurance Initiative-ի iii-LAB ծրագրի համակարգող Թերեզա Փելանդան: Եզրափակիչ ուղերձով միջոցառումն ամփոփեց ՀՀ կենտրոնական բանկի խորհրդի անդամ Արտակ Մանուկյանը:
Միջոցառման ընթացքում անցկացվեց «Հայաստանում կլիմայական փոփոխությունների ազդեցությունը գյուղատնտեսության վրա» թեմայով պանելային քննարկում, որին մասնակցեցին Կենտրոնական բանկի, Էկոնոմիկայի նախարարության, Շրջակա միջավայրի նախարարության, Հայաստանի ապահովագրողների միության, ապահովագրական ընկերությունների, Արարատի խաղողագործների միության ներկայացուցիչներ և փորձագետներ:
Երկօրյա դասընթաց աշխատակիցների համար
«ՔԱՐԴ ԱգրոԿրեդիտ» ՈւՎԿ ՓԲԸ-ն 15 տարեկան է
«ՔԱՐԴ ԱգրոԿրեդիտ» ՈւՎԿ ՓԲԸ-ի Ազատան ներկայացուցչության վերաբացումը.
Հուշագիրը՝ այս անգամ Մեսրոպ Մաշտոցի անվան Համալսարանի հետ։
«ՔԱՐԴ ԱԳՐՈԿՐԵԴԻՏ» ՈՒՎԿ ՓԲԸ ԽՈՐՀՐԴԻ ՆԻՍՏ
«ՔԱՐԴ Ագրոկրեդիտ» ՈւՎԿ ՓԲԸ-ն «Միկրոֆինանսական կազմակերպությունների միության» 24-րդ համաժողովին
«ՔԱՐԴ ԱԳՐՈԿՐԵԴԻՏ» ՈՒՎԿ ՓԲԸ-ի 2021 թվականի արդյունքների ամփոփում
Վերահսկվում է Կենտրոնական Բանկի կողմից
Հրավեր!