Գլխամասային գրասենյակ

«ՔԱՐԴ ԱգրոԿրեդիտ» Ունիվերսալ վարկային կազմակերպություն ՓԲԸ-ն հիմնադրվել է 2008թ.-ի հունիս ամսին «Ագրոբիզնեսի և գյուղի զարգացման կենտրոն» Հիմնադրամի կողմից, որը Հանրապետության գյուղատնտեսության զարգացմանն աջակցող առաջատար կազմակերպություններից մեկն է և ունի Հայաստանում ֆերմերային տնտեսությունների և գյուղատնտեսական մթերք վերամշակողների հետ համագործակցության հարուստ պատմություն:
Կազմակերպության Ակնառու հաջողությունները
Ստեղծումից հետո Հազարամյակի մարտահրավերների՝ «Ջրից դեպի շուկա» ծրագրով նախատեսված վարկային բաղադրիչով կազմակերպությունը դարձավ հանրապետության ամենամեծ վարկային պորտֆել սպասարկող վարկային կազմակերպություններից մեկը։
Կազմակերպությունը կարողացավ շատ արագ ստեղծել գյուղատնտեսական սարքավորումների, տեխնիկայի (տրակտորների) վարկային պորտֆել և հաջողությամբ զարգացնել այն։
Ստեղծումից ի վեր ընկերության կապիտալը կրկնապատկվել է։
Այժմ ընկերությունը համարվում է գյուղատնտեսությանը սպասարկող հանրապետության առաջատար վարկային կազմակերպություններից մեկը։
Կազմակերպությունը ժառանգել է իր հիմնադրի արժեհամակարգը և այժմ ունի մոտիվացված ու ստեղծագործ միասնական թիմ։ Ներկայումս ընկերության թիմը ոչնչով չի զիջում իր հիմնադրի թիմին, հակառակը՝ ունի ընկերության համար սրտացավ և աշխատասեր աշխատակազմ։