Կորպորատիվ կառավարում
Ընկերությունը կարևորում է իր կորպորատիվ կառավարման համակարգի կատարելագործումը և դրա հետ կապում իր հեռահար կայուն զարգացումն ու ժամանակի մարտահրավերների հաղթահարումը։
Ընկերության կառավարման բարձրագույն մարմինը բաժնետերերի Ընդհանուր ժողովն է։
Բաժնետերերի ընդհանուր ժողովին հաշվետու է Ընկերության տնօրենների խորհուրդը: Խորհուրդն իրականացնում է Ընկերության ռազմավարական կառավարումը և վերահսկում է Ընկերության ընթացիկ գործունեությունը:
Ընկերության ընթացիկ գործունեության ղեկավարումն իրականացնում է գործադիր տնօրենը։
Տնօրենների խորհրդին` իր գործառույթներն իրականացնելու հարցում աջակցում է կորպորատիվ քարտուղարը, ում գործունեության ոլորտներն ընդգրկում են կորպորատիվ կառավարման պրակտիկայի կատարելագործումը, խորհրդի պատշաճ գործունեության ապահովումը, կորպորատիվ տեղեկատվության պահպանումն ու բացահայտումը և փոխհարաբերությունների ապահովումը հիմնական շահառուների հետ։
Ընկերությունը ունի վերստուգող (ներքին աուդիտոր), ով պատասխանատու է Ընկերության ներքին հսկողության ու ռիսկերի կառավարման համակարգը բարելավելու համար։
«ՔԱՐԴ ԱգրոԿրեդիտ» ՈւՎԿ ՓԲԸ-ն հայաստանյան այն եզակի կազմակերպություններից է, որն ընդգրկվել է Հայաստանում գործող Բիզնեսի բարեվարքության ակումբում:
Ընդունելով Հակակոռուպցիոն հռչակագրի սկզբունքները և անդամագրվելով Բիզնեսի բարեվարքության ակումբին` Ընկերությունը հավաստում է գործարար բարեվարքության սկզբունքներով առաջնորդվելու, ինչպես նաև թափանցիկ, պատասխանատու ու հաշվետվողական կառավարման համակարգ ձևավորելու իր հանձնառությունը։ Ընկերությունն իր առջև խնդիր է դրել բարելավել իր կորպորատիվ կառավարման համակարգը, ինչպես նաև իր ներդրումն ունենալ Հայաստանի գործարար միջավայրի բարելավմանը և խթանել երկրի տնտեսական առաջընթացը։
